› hurrengoa Lana aurrekoa ‹

Gipuzkoako Errepideen Foru Sarearen Bide Segurtasunaren osoko kudeaketa. GFA

Kontratu honen helburua bide segurtasunaren osoko kudeaketa, bide segurtasunari lotutako proiektuen idazketa eta proiektu horietatik ondorioztatutako lanen ondorengo zuzendaritza fakultatiboko jarduerak gauzatzea da.

Egin beharreko lanak honela laburbil daitezke:

• Bide segurtasuneko ikuskapenak, bai eraginari buruzkoak, aurreproiektu eta proiektu fasekoak, eta baita aurre irekiera eta ustiapen hasierakoak ere.
• Bide segurtasuneko ikuskapenak, horretarako sarean barrena ibilita, hauteman den istripu-tasa edozein dela eta, bai egunez, bai gauez, eta erabiltzaileen jokaera nahiz bide azpiegitura guztien ezaugarri teknikoak eta ekipamendua egiaztatuta, baldintzak egokitzeko eta hobetzeko proposamenak egingo badira.
• Txosten orokorrak, istripu baten ondorioz hildakorik baldin bada ezinbestean prestatuko diren txosten osoak, bertan trafiko atestatuetan jasotzen ez diren datuak bilduta, hala nola: marruskadura koefizientea, seinaleztapena eta hainbat datu geometriko, adibidez erradioa, peraltea, zabalera, malda, argiztapena, eusteko sistemak…
• Txosten bereziak, ezohiko istripu tasaren ondorioz idazten dira. Bertan bide azpiegituren zati jakineko tarteak aztertzen dira, bide segurtasuna eskasarengatik edo ekipamendua hobetzeko beharrarengatik.
• Istripu tasari buruzko datuak ustiatzea. Urtero arriskugarritasun indizeak (AI), heriotza indizeak (HI), larritasun indizeak (LI) eta istripu ugariko bide zatiak (IUZ) kalkulatuko dira.
• Istripu tasa handiko bide zatiak identifikatzea eta istripu tasaren jarraipena. Hilero, edo Eusko Jaurlaritzaren Herrizaingo Sailak istripu tasari buruzko datuak ematen dituen maiztasunaren arabera prestatuta.
• Proiektuak idaztea eta Obren Zuzendaritza profesionala, adibidez, trafikoa baretzea zeharbideetan, elkarguneak aldatzea, aldaketak seinaleztapenean, etab.